Ao PP de Pontedeume molestáballe a bandeira que ondeaba no cumio do torreón dos Andrade desde o fin a mobilización que o pasado sábado protestou no concello contra a masacre polo sionismo ao pobo palestino. O propio concelleiro do PP da localidade, Javier Crespo, subiu ao torreón acompañado por dous policias locais para retirar a bandeira Palestina do alto do monumento, momento en que foi increpado por algún veciño que lamentaba a eliminación dun símbolo de solidariedade co pobo palestino.
Algúns dos manifestantes lamentaron que o representante do goberno local se apurara a eliminar a bandeira cando, arredor do 12 de outubro a española ondea durante días no mesmo monumento, amparada pola propia decisión do goberno municipal.