A CIG bota a andar a campaña no primeiro domingo do mes de decembro na que centros comerciais e tamén comercio abren as súas portas, en datas de especial incremento do consumo pola proximidade do Nadal.
A central nacionalista convida á cidadanía a non mercar nin en domingos nin en festivos. “Non á explotación laboral do convenio colectivo de grandes almacéns” lese nos cartaces da campaña na que un reloxo sen horas cambia a esfera por un carriño da compra atravesado pola banda de prohibido.