Caamaño, que apoiou Carme Chacón no congreso do PSOE, mantén a súa distancia a respeito de Alfredo Pérez Rubalcaba, a quen non considera idóneo para a rexeneración do proxecto socialista.
Na entrevista, empregou un ton de precampaña interna, embora aínda non teña anunciado formalmente que concorrerá a liderar o PSdeG. Condicionou a decisión final a que se convoquen primarias e a que, consecuentemente, o candidato á presidencia da Xunta o voten tod@s @s militantes do partido.
Sobre o calendario, el prefire que as primarias sexan antes do verán, dixo: "É unha decisión que ten que tomar o Comité Nacional o día 2".
Non lle ve problemas a que os estatutos do partido non contemplen neste momento o sistema de primarias para a escolla d@ candidat@. "Non todo o que non está nos estatutos é ilegal", considerou.
