Nestas datas, cando todos os consumos se incrementan, a enerxía, a produción de residuos, o transporte privado, a contaminación increméntase... Adega enumera unha serie de consellos como:
-Consumo de produtos locais e de tempada, en cantidades moderadas para non ter que tirar comida. Adega convida a eliminar da dieta alimentos que percorreron moitos quilómetros e que procedan de monocultivos en zonas taladas de bosque tropical ou ecosistemas fráxiles. Sinalan, o ananás e os langostinos como produtos como produtos a extinguir das noites de festas. A pesca artesanal, os produtos de comercio xusto e ecolóxicos estarían no outro lado da balanza.
-Optar por produtos galegos e etiquetados na nos a lingua. As ventaxas? Reducir emisións e apoiar á veciñanza máis próxima.
-Coidado co monte: o acivro ou a xilbardeira é mellor que continúen no medio natural e nós buscar outros produtos para engalanar as nosas casas.
-Alertan para os agasallos de mascotas. Primeiro, saber certo que a persoa destinataria desexa o animal e o vai coidar e, de ser así, a mellor posibilidade é, segundo Adega, a adopción en refuxios de animais. Atención cos animais e plantas exóticas, poden ser un perigo para o noso ecosistema.
-Para agasallos de países lonxanos, que sexan de comercio xusto, para garantir a procedencia e o trato de non explotación cos produtores.
Nun cartel alertan contra o consumo de salmón, alimentado con pensos, hormonas e antibióticos, os langostinos que destrúen manglais en países desfavorecidos; as uvas enlatadas, o rodaballo de piscifactorías, que destrúe o patrimonio natural ou as ananás que viaxan desde América e se producen destruíndo selvas tropicais.
