López Nieto, presidente de México, non mantivo unha reunión co seu homólogo en Galiza. Senón cun “político vinculado cun narco”. O xornal La Vanguardia titula así a noticia do encontro. E, aliás, engade a fotografía de Feijóo e Dorado no iate.
O titular do medio mostra até que punto as fotografías de Feijóo co narco da Illa de Arousa calaron a nivel internacional. Feijóo é o presidente amigo dun narco. E Galiza é, pois, o país que ten de presidente aoamigo dun narco. Co que a palabra narco implica nun país como México
“Foron amigos. Un acabou de presidente e outro no cárcere por narcotráfico”
“Escándalo en Europa”
O xornal mexicano informa aos seus milleiros de lectores que Feijóo “está envolto nun escándalo en Europa após que o 30 de marzo se revelasen as fotos nun iate cun narcotraficante”.
“Foron amigos durante uns anos e un acabou á fronte do goberno galego e o outro no cárcere por narcotráfico”, recollen neste diario.
Para La Vanguardia, non hai dúbida respecto quen era Marcial Dorado na época das fotografías: “Un histórico contrabandista. Xa entón Dorado era moi coñecido polas súas actividades como un dos xefes do contrabando en Galiza”
Amigos, amigos
“A relación (de Feijóo e Dorado) incluiu invitacións a casa e barco, alén de viaxes que realizaron xuntos”. E todo iso “cando Feijóo desenvolvía altos cargos na administración”.