A data será o 8 de xuño de 2014 e Gure Esku Dago, a plataforma polo dereito a decidir constituída en Euskal Herria, chama á cidadanía a "acumular forzas" da maneira "máis ampla, plural e transversal posíbel" para congregar o maior número de persoas arredor desta iniciativa. O obxectivo é desenvolver unha cadea humana que una as localdiades de Durango e Iruñea (123 km) nun acto en que visan reunir máis de 50.000 persoas.
A iniciativa procura unir arredor do dereito a decidir distintos proxectos e sensibilidades polo que chaman á cidadanía a "acumular forzas"
No acto de presentación da campaña que procurará unir arredor desta iniciativa "diferentes sensibilidades", estiveron presentes algúns dos mesmbros da plataforma entre eles o músico Kepa Junkera, o director de Berria, Martxelo Otamendi ou o profesor da UPV Periko Ibarra.
Desde que Gure Esku Dago botou a andar son "centos" os cidadáns que se sumaron á iniciativa, aseguran @s promotor@s, se ben, lanzaron un chamamento á cidadanía para que "desenvolver un exercicio de activación popular o máis amplo, plural e transversal posíbel" á fin de unir arredor do "dereito a decidir" distintos proxectos e sensibilidades.
"Queda en mans da cidadanía", aseguran desde a iniciativa social, "provocar a multiplicación e acumulación de forzas" a prol da "necesidade, idoneidade e lexitimidade do dereito a decidir en diferentes ámbitos", apuntaron.
![[Imaxe: @Larbelaitz]](/asset/zoomcrop,480,270,center,center/media/nosdiario/images/2016/01/10/2016011010221171635.jpg)