Milleiros claman por outro modelo económico en Euskal Herria

Milleiros de persoas participaron das mobilizacións transcorridas polas rúas das principais cidades do país nunha xornada de loita que contou con máis do 70% de seguimento --segundo fontes sindicais.

Dirixentes de LAB e ELA destacaron a "rotunda resposta" da clase traballadora "aos ataques dos poderes políticos e patronais" e consideraron as masivas manifestacións "un grande impulso" para comezar a "batalla pola alternativa". 

Máis de 85.000 persoas plantan cara "ao goberno de Madrid" e a "elite económica vasca"
Bilbo, Donostia, Gasteiz e Iruñea acolleron masivas mobilizacións na mañá desta quinta feira. Ao berro de "Non é unha crise, é capitalismo", milleiros ateigaron as rúas das principais cidades contras políticas neoliberais e a perda de dereitos da clase traballadora.

Nas intervencións d@s dirixentes sindicais @s secretari@s xerais de LAB e ELA acusaron a PNV, PSE e PP de contribuír á "destrución social sistemática que se está organizando" ao tempo que denunciaron a súa participación na sesión parlamentar que acolleu a Cámara de Gasteiz malia a greve. 

ELA e LAB exixiron unha "reforma fiscal estrutural" para redistribuir a "riqueza xerada polos traballadores"

As centrais sindicais advertiron @s líderes destas formacións que "si hai alternativa" ás políticas de recortes, "a caída salarial e a destrución das condicións do traballo". Adolfo Muñoz (ELA) e Ainhoa Etxaide (LAB) exixiron unha "urxente" reforma fiscal estrutural que permita "empregar a riqueza que existe" e que "foi xerada polos traballadores" para "mellorar os servizos públicos" porque "aquí", salientou Etxaide "hai unha masa social" --en referencia á masiva mobilización de Gasteiz-- o de "non obedecer ao goberno de Madrid" e "plantarse", dixo, "perante as exixencias da elite económica vasca". 

A greve, convocada polas centrais sindiacais ELA, LAB, ESK, STEE-EILAS, EHNE, Hiru e CXT-LKN e CNT e @s representantes de máis de medio cento de colectivos sociais rematará con mobilizacións convocadas para esta tarde en 70 vilas e cidades de Hego Euskal Herria.