Segundo informa o diario basco Naiz, o xuíz da Audiencia Nacional española, Eloy Velasco basea o feche da web no "enaltecimento" e "ensalzamento" do preso Xabier López Peña, 'Thierry' falecido recentemente. Aliás, chama a declarar a Aitor Ortuondo como imputado e responsábel do portal dixital de Ernai.
O auto publicado esta sexta feira exixe a adopción "das medidas técnicas oportunas" para desabilitar e "deixar fóra de liña" de maneira inmediata a web, para alén de procurar "aos responsábeis do enaltecemento delitivo".
En relación cos actos desenvolvidos en homenaxe ao preso basco xa fora detido o militante de Sortu Iker Rodrigo acusado de organizar o recibimento do finado no aeroporto de Sondika.
![[Imaxe: @Larbelaitz]](/asset/zoomcrop,480,270,center,center/media/nosdiario/images/2016/01/10/2016011010221171635.jpg)