Xosé Lois: " Xogar cun idioma que estivo prohibido, que non foi escrito durante anos, era un reto"

Xosé Lois González Vázquez (Ourense, 1949),  coñecido como Xosé Lois, debuxante por devoción e enxeñeiro de telecomunicacións por profesión, creou hai 40 anos o personaxe do Carrabouxo. Día a día levaba as novas con humor e unha defensa férrea do idioma e do país. A súa sona fixo que se coñecera o seu propio autor por ese nome. Sermos Galiza, onde tamén deita as súas enxeñosas sentenzas, quixo falar co seu autor para coñecer algo máis da súa longa traxectoria aproveitando que o personaxe vén de celebrar esas catro décadas.