Teresa Táboas: arquitectura e país

Teresa Táboas Veleiro (Cidade de México, 1961) sentiu a paixón pola arquitectura sendo moi nova. Viviu a emigración familiar en primeira persoa e tivo a posibilidade de medrar profesionalmente no seu país. A súa chegada á Consellaría de Vivenda e Solo da Xunta da Galiza, entre 2005 e 2009, abriulle as portas da xestión pública, nunha etapa na que puxo en práctica ideas e proxectos. 'Sermos Galiza' conversa con ela aproveitando a palestra na que interveu, sobre urbanismo e xénero, organizada polo BNG de Lugo no marco das actividades do 8 de marzo.