Ricardo Gurriarán: a memoria recuperada de Florencio

A Ricardo Gurriarán, parente e o principal biógrafo de Florencio Delgado Gurriarán, debémoslle a recuperación da memoria de autor. Grazas aos seus estudos, descubrimos o poeta, o tradutor, o incansábel activista cultural e político que non flaqueou no seu compromiso con Galiza nin nos peores momentos. Falamos con el para coñecer a súa impresión do que significa este Día das Letras para o recoñecemento da súa figura.