Octavio Beares:"Que autores como Castelao ou Maside se achegaran a Banda Deseñada é moi importante e había que sinalalo"

Octavio Beares é licenciado en Xeografía e Historia e exerce dende hai anos como crítico, divulgador e teórico da banda deseñada. Foi co fundador da revista CuCo, Cuadernos de Cómic e é membro da Asociación de Críticos e divulgadores de cómic (ACDCómic). Vén de publicar o libro A historia do cómic en Galicia onde fai un percorrido ameno e moi didáctico pola historia da nosa BD cunha ollada xeral que abrangue máis de 120 anos e coa que pretende darnos unha visión panorámica da aparición e evolución da novena arte na nosa terra.