Melania Cruz: “O futuro pasa por ter claro que a cultura é algo no que hai que investir”

Melania Cruz (Lugo, 1983) naceu un 25 de xullo e, quen sabe, talvez iso marcou un destino. Desde hai anos é unha figura ineludíbel do teatro e do audiovisual galegos. O seu traballo na escena valeulle o recoñecemento unánime de crítica e público e o seu paso ao audiovisual, onde protagonizou traballos tan emblemáticos como A Esmorga, Doghs, Trote, Arima, Ons ou a recente Malencolía, ampliou a súa popularidade. Agora prepara, coa compañía que fundou xunto con Tito Asorey, A Quinta do Cuadrante, un espectáculo sobre a actriz María Casares.