Marta Dacosta: "A historia dos vencedores nega, deturpa e altera a historia dos vencidos"

Un caderno para reter aquilo que está ao bordo da extinción. Para aprender a ollar doutro xeito a contorna natural e os seres que a habitan. Iso é Notas sobre a extinción (Galaxia), o poemario de Marta Dacosta no que imaxe e símbolo se tornan máis protagonistas, fronte á maior narratividade dos seus libros anteriores. Falamos con esta autora da súa traxectoria poética, marcada pola reivindicación dun espazo de recoñecemento para as mulleres máis invisíbeis. Para as traballadoras que tiveron que facerse duras para sobrevivir.