María Vázquez: as mulleres reais

Hai en 'Matria', a primeira longametraxe de Álvaro Gago, non unha gabanza do clixé da forte e sacrificada muller galega. Senón unha denuncia da súa sobreexplotación e da opresión que esta supón nunha sociedade patriarcal. A actriz María Vázquez interpreta maxistralmente Ramona, a personaxe que encarna este conflito. O dunhas estruturas de xénero e de clase que arrastran as mulleres cara a unha vida que non queren. Falamos con María Vázquez de Ramona e doutros papeis nos que dá vida a mulleres coas que calquera se podería identificar.