María Barcala: "O meu obxectivo non é triunfar en Madrid"

Di María Barcala que Libre coma os paxaros, a obra na que interpreta a Rosalía de Castro, é o máis difícil que fixo nunca. Que estivo, quizais, toda a súa carreira preparándose para un papel coma este. Os resultados víronse, entre outros teatros, no Colón da Coruña. Do absoluto silencio á explosión de aplausos por un traballo impecábel. Mais non haberá, anuncia a actriz, moito máis Teatro do Atlántico, aínda que ela e Xúlio Lago desexan seguir na profesión. Son, di ela, moitos anos tirando do carro dunha compañía, polo que é lexítimo querer estar do outro lado.