Castelao Mexuto: En Pondal hai un evidente compromiso emancipador, mais todos os poemas levantan acta da prostración

Manuel Castelao Mexuto vén de publicar A máquina ousada, un ensaio sobre Queixumes dos pinos no que trata de superar os prexuízos que difunden a triste imaxe de Pondal como un autor machista, racista e mesmo tolo. A lectura atenta da obra pondaliana descóbrenos, ademais, un autor que carga sobre os seus ombros a tarefa de construír unha literatura nacional, no medio da tensión existente entre a reivindicación da Galiza e a conciencia da súa submisión.