Aquela patria, o galego, era como unha chaqueta vella que había que deixar atrás para incorporarse a mundos máis "finos". Por iso, a súa obra literaria é un intento de "devolverlle a dignidade" a esa prenda amada, de coidala para que poida lucir nova. Así explica Lupe Gómez unha das chaves da súa creación poética, que vén de dar tres libros gañadores doutros tantos premios: Caracois de Belvís, No encanto do aire e Silabario. Unha triloxía compostelá que é testemuña da busca do sosego e da loita da vida por vencer a morte e a enfermidade.