Javier Olleros: "Nós non manipulamos o produto, acariñámolo"

Javier Olleros é o primeiro galego en lograr dúas estrelas Michelín. Hai once anos, en plena crise financeira, el e a súa muller abriron o restaurante Culler de Pau, en Reboredo, O Grove, un proxecto de vida que pretendía “poñer a paisaxe no prato”. O restaurante agora está pechado pola pandemia, mais a equipa segue traballando para continuar co seu compromiso coa terra, que segue a ser o motor dun proxecto que acada agora sona internacional. Olleros fala sempre en plural, en nome dun colectivo, do que fai partícipes aos agricultores e mariñeiros, co que conxuga a tradición coa modernidade.