Ismael Ramos: "A pobreza sempre se nos vende como algo conxuntural, pero é estrutural"

Ismael Ramos vén de gañar o Premio Nacional de Poesía Joven Miguel Hernández do Ministerio de Cultura por Lixeiro (Xerais), o seu último poemario. Un libro que indaga na incerteza en relación coa precariedade e a pobreza. Que amplía o foco sobre a familia e a identidade posto polo autor en Lumes e Os fillos da fame. Que volve reivindicar unha poesía do cotiá, feita desde o corpo, cun estilo de aparencia sinxela. Sen grandes discursos, senón coa consciencia ben esperta ante a vida. Repasamos con el a súa escrita nesta entrevista.