Elsa Quintas: "Queremos galego, en presente, con proxección de futuro"

Elsa Quintas Alborés (Vilaza, Gondomar, Val do Miñor, 1979) é avogada e vicepresidenta da Mesa pola Normalización Lingüística onde dirixe o Observatorio de Dereitos Lingüísticos. Interesouse na memoria da resistencia galega contra o franquismo investigando a figura da guerrilleira Placeres Castellanos nun traballo publicado en 2008. Conseguiu recentemente que o Tribunal Superior de Xustiza da Galiza declarara nulos os actos administrativos efectuados pola Axencia Tributaria en castelán, despois de que un cidadán galego manifestase querer ser atendido na súa lingua.