Concha Blanco: A forza do empeño

A literatura infantil en galego non sería o que hoxe é sen o traballo dos mestres e mestras que abriron camiño escribindo para o seu alumnado cando non había nada. Cando o galego acababa de chegar á escola despois de tanto tempo proscrito. Concha Blanco (Lires, Cee, 1950) é unha destas docentes que comezaron por pura necesidade e por amor polo alumnado, pola lingua e polo país. Corenta anos despois ten publicados máis de 50 libros. A Asociación de Escritoras e Escritores en Lingua Galega dedícalle este ano a homenaxe A Escritora na súa Terra -Letra E.