A editorial Eu seino? inicia a publicación das obras completas de Chus Pato con m-Talá. Edición do Vixésimo Aniversario, un volume que celebra os vinte anos dun poemario que se transformou nun verdadeiro acontecemento dentro do mundo literario galego. Chus Pato, unha das autoras máis recoñecidas do noso país, conquistou un lugar preeminente con este libro, e a súa obra posterior non fixo máis que confirmar a orixinalidade e a potencia dunha voz que marchaba ao paso das poéticas máis recentes. Conversamos con ela sobre esta ocasión de volver sobre a súa obra.