César Portela: "A boa arquitectura non destrúe a natureza, mesmo é quen de dignificala"

O arquitecto César Portela vén de ingresar como académico da Real Academia Galega de Ciencias. Portela é unha das figuras máis importantes da arquitectura galega contemporánea e debuxou non só os perfís das cidades galegas, senón que tamén interveu en boa parte das paisaxes do país. A súa obra traspasou fronteiras e recibiu premios como o Nacional de Arquitectura, o European Urban and Regional Planning ou o Philippe Rotthier, entre outros moitos. Nesta conversa falamos, especialmente, sobre a responsabilidade social do arquitecto nun momento –o da pandemia- en que a arquitectura e o urbanismo semellan volver estar presentes no debate público.