Carlos Núñez: "O Estado español é anómalo en relación ás súas propias músicas pola ditadura"

A traxectoria de Carlos Núñez é tamén, en certo modo, a traxectoria da cultura musical galega. Desde os oitenta, cando a música tradicional combateu os prexuízos dun Estado español aínda influído polo franquismo, até a internacionalización pola que el mesmo e tantas outras loitaron, e chegando ao momento actual, no que as novas tendencias abren novos camiños que percorrer. De todo iso e máis fala Carlos Núñez, que segue a celebrar o 25 aniversario do seu primeiro disco, A Irmandade das Estrelas. Agora saca unha nova peza en colaboración con Baiuca.