Beli Martínez: "Se en Cannes anuncian "un cineasta galego" é que xa se recoñece unha cultura con identidade propia

Por atrás das persoas que dirixen filmes hai outras que se encargan de que as primeiras poidan levar a cabo o seu proxecto artístico en condicións óptimas. O de produción é un traballo complexo que, polo xeral, pasa desapercibido para o público, malia a importancia que ten no proceso de creación. Beli Martínez é a produtora na sombra de moitas das películas máis notorias do Novo Cinema Galego: Vikingland, Une histoire seule, Arraianos, Longa Noite, Jet Lag... É autora tamén da primeira tese de doutoramento sobre a corrente que exportou a todo o mundo o cine feito na Galiza. Agora vén de recibir a Premio Chano Piñeiro, outorgado polo Festival de Cine de Ourense.