Baiuca: "Cantar en galego xa é reivindicar, pero non cómpre dicilo na letra"

Baiuca ocupa, sen dúbida, un dos postos de honra entre os músicos galegos que mellor conectan coa xente nova. El, Alejandro Guillán (Catoira, 1990), conseguiuno ademais cunha fusión única entre a música electrónica e a tradicional. Vén de sacar Embruxo Reworks, disco de remixes e versións de temas do seu traballo anterior. Repasamos con el a súa traxectoria, na que reivindicación e identidade significan o mesmo que para outros moitos músicos da súa xeración. Un xeito de facer, máis que de falar.