Arancha Estévez: "Casares ten un punto que non é común na historia doutros exiliados, que é o triunfo"

Arancha Estévez, xornalista e escritora, é a autora da primeira biografía de María Casares que se escribiu na Galiza, xa hai 23 anos. Agora, Aira Editorial publica unha edición revisada aproveitando o centenario da actriz, María Casares: a célebre refuxiada, a descoñecida. O libro é unha espléndida ocasión de facer un balance sobre o que sabemos e o que seguimos a ignorar sobre unha actriz galega que se transformou nunha das principais figuras do teatro europeo do século XX, e para albiscar cal é o camiño que debemos seguir para manter viva a súa memoria.