Anxo Rei: o primeiro divulgador dos poemas de Florencio Delgado

Hai vinte anos, cando o nome de Florencio Delgado Gurriarán soaba aínda pouco, o cantautor Anxo Rei dedicou un disco aos seus poemas, Fronteira de cegoñas, co que percorreu o país. Mais xa antes, entre finais dos 70 e primeiros dos 80, comezara a cantar Galicia Infinda e Pintura de Feira. Rei é un home discreto ao que non lle gusta presumir, pero pódese considerar o primeiro divulgador do homenaxeado este ano polo Día das Letras. Falamos con el.