Unión Progreso y Democracia vén de facer público, a través da súa conta oficial na rede social Twitter, o cartel electoral que empregarán durante a campaña das eleccións galegas do 21-O.
A peza estará presidida polo lema “Somos libres” e o elemento central será unha fotografía onde partillan protagonismo José Canedo, o seu candidato á presidencia da Xunta e máis Rosa Díez, líder estatal da forza de dereita españolista.
O pouco texto que figura no cartel estará impreso integramente en español, remarcando o perfil galegófobo da formación.
