No mitin de Compromiso por Galicia celebrado esta terceira feira en Pontevedra, o seu candidato por Pontevedra, o ex-popular Rafael Cuíña, avogou por suprimir as deputacións. Cuíña propuxo que os entes provinciais sexan substituídos por mancomunidades de servizos que xestionen diferentes actividades. Cun discurso en chave municipalista e sen referencia expresa á comarcalización do país, o cabeza de lista de CxG afirmou que “a existencia das deputacións só se xustifica polo interese en manter prácticas clientelares”.
O acto, en que Cuíña se mostrou certo de que a súa candidatura obterá representación no Parlamento --malia que practicamente ningunha sondaxe o sinale, contou tamén coa participación do candidato á residencia, Xoán Bascuas, quen insistiu nesa idea e lanzou a proposta de “ampliar o permiso de maternidade a seis meses e o de parternidade a un mes”.
Aliás, Rafael Cuíña e a súa equipa electoral visitaron tamén a sede do sindicato CSIF en Vigo, onde mantiveron un encontro cun grupo de afiliad@s.
