O prezo da vivenda en aluguer sobe na Galiza 2,8% no primeiro trimestre de 2023

O prezo medio da vivenda de segunda man na Galiza no mes de marzo de 2023 foi de 1.338 euros por metro cadrado, o que supuxo un incremento de 0,74% fronte a decembro de 2022.
Cartel nunha vivenda en venda (Imaxe de arquivo-  Eduardo Parra / Europa Press).
photo_camera Cartel nunha vivenda en venda (Imaxe de arquivo- Eduardo Parra / Europa Press).

O prezo da vivenda en aluguer na Galiza subiu 2,8% no primeiro trimestre do ano até alcanzar os 7,7 euros por metro cadrado, segundo o último informe publicado polo portal inmobiliario Idealista.

Segundo trasladou o portal nun comunicado, en termos interanuais a subida é de 6,3%, aínda que 19,7% por baixo do máximo nas rendas da Galiza rexistrado en maio do ano 2007.

De forma concreta, os alugueres subiron en todo o país, sendo o oeste da Galiza onde máis creceron con 3,2%. O prezo sitúase en 7,6 e 8,7 euros por metro cadrado.

No nordeste os custos de alugar unha vivenda aumentaron 1,2%, de maneira que o metro cadrado está a 5,8 euros. Así, no sueste o ascenso é de 0,7% e o metro cadrado atópase a 6,2 euros.

A vivenda sobe 0,74%

Pola súa parte, o prezo medio da vivenda de segunda man na Galiza no mes de marzo de 2023 foi de 1.338 euros por metro cadrado, o que supuxo un incremento de 0,74% fronte a decembro de 2022.

Segundo o informe trimestral de prezos de venda de Pisos.com, en termos interanuais a suba é de 4,61%, mentres que comprar un piso de segunda man custa 0,91% máis que no mes de febreiro.

O suroeste do país é a máis caro co metro cadrado a 1.586 euros (1,27% máis que hai tres meses), seguido do noroeste con 1.379 euros (cunha suba de 0,45%).

O sueste conta co maior aumento dos prezos, 1,48%, de forma que o custo dunha vivenda usada por metro cadrado é de 930 euros. Así, o nordeste sitúase como o territorio máis barato cun aumento dos prezos de 0,42% e o metro cadrado a 928 euros.

Comentarios