“Que son 600 millóns de roubo, que non son farangullas!”. 5.000 preferentistas maniféstanse en Lugo

Por volta de 5.000 persoas toman parte na manifestación convocada polas 18 plataformas de estafad@s nas preferentes, co apoio de colectivos como @s emigrantes retornad@s. E advirten: “Non imos parar ata conseguir o que é xusto”.

@AntonBaoLugo
photo_camera @AntonBaoLugo

Tamén no San Froilán, e en Lugo, hai oco para a loita e a reivindicación. Por iso, centos de estafad@s no calote das preferentes, procedentes de toda Galiza, manifestáronse pola cidade lucense para exixir, máis unha vez, “xustiza”. Estiveron acompañad@s doutros colectivos, coma o d@s emigrantes retornad@s, que se senten tamén vítimas dun “saqueo” polas multas e sancións de Facenda a aqueles que cobran pensión do estranxeiro.

Foron por volta de 5.000 persoas as que tomaron parte na manife, segundo @s organizador@s. Estafad@s na súa maior parte, mais tamén asistiron á mesma cidadáns que querían manifestar o seur exeitamento a este calote. E asistiron á marcha representantes do BNG, AGE e PSdeG.

Tan só en Lugo aínda fican case 4.300 persoas que teñen os seus aforros atrapados en prefrentes de NGB

A manifestación partiu da praza existente perante a delegación da Xunta para, tras recorrer varias rúas, finalizar no mesmo lugar. A mensaxe, tan clara coma sempre: “Exiximos a devolución dos 564 millóns de euros que nos roubou o Frob co cambio por accións e quita”. Unha “estafa”, un “saqueo” ou un “roubo” segundo @s afectad@s, que non dubidan de sinalar responsábeis: Feijóo, Rajoy, De Guindos e Castellano, os primeiros.

“Cos nosos aforros sanearon NGB para regalarlla agora a un especulador foráneo”

Consideran que lles roubaron “os nosos aforros” en Novagalicia Banco para sanear esta entidade e agora “regalala a un especulador foráneo”. Insisten en que a devolución dos seus cartos é de xustiza. E, malia os meses de protestos e manifestacións, non están cansos nin, moito menos, derrotados. Pensan seguir.

Comentarios