O sector pesqueiro galego sufriu un milleiro de sinistros laborais en 2015, 7 deles mortais

O número de accidentes laborais no mar reduciuse a respeito do exercicio anterior (2014), un ano especialmente duro.

o sector do mar rexistrou en 2014 20 sinistros mortais

Un total de 977 accidentes laborais tiveron lugar no sector pesqueiro galego en 2015, segundo as estatísticas do Issga, o Instituto galego de seguridade e saúde laboral. Unha media de case tres cada día. A meirande parte dos accidentes que decorreron o ano pasado foron de carácter leve (933), por 37 graves e 7 mortais. Dados que melloran as do exercicio anterior (2014), que foi especialmente duro no sector do mar, con 20 mortos e 55 acidentes graves. Os sinistros leves superaran os 1.100.

Organización Internacional do Traballo (OIT) considera o de mariñeiro como unha das profesións máis perigosas. Entre 1994 e 2013 faleceron 314 mariñeiros galegos. Entre 2005 e 2013 rexistráronse 12.652 accidentes laborais no sector do mar de Galiza, segundo os informes do Instituto Galego de Seguridade e Saúde Laboal. A inmensa maioría deles, de carácter leve (12.033, o que supón case catro por día). Mais tamén se rexistran sinistros graves. Foron 786 nestes nove anos, unha media dun cada catro días. Nese mesmo período, perderon a vida no mar 87 mariñeiros. Un cada 37 días. Un mariñeiro morto case cada mes. 

Comentarios