Este é o prezo da luz por horas de hoxe, 6 de xullo

Por treitos horarios, o prezo máximo da luz para esta cuarta feira darase entre as 21 e as 22 horas, mentres que o mínimo será entre as 17 e as 18 horas.

Cae este domingo o prezo da luz un 4,61% e sitúase en 177 euros/ MWh (Foto: Nós Diario).
photo_camera Cae este domingo o prezo da luz un 4,61% e sitúase en 177 euros/ MWh (Foto: Nós Diario).

prezo medio da electricidade coa tarifa regulada sitúase esta cuarta feira nos 308,6 euros o megawatt/hora (euros/MWh) —incluíndo os custos de comercialización, peaxes e outros cargos, isto é, o prezo real sobre a factura—, segundo os datos publicados no día de hoxe por Rede Eléctrica de España.

Por treitos horarios, o prezo máximo da luz para esta cuarta feira darase entre as 21 e as 22 horas, con 391,43 euros/MWh, mentres que o mínimo, de 257,55 euros/MWh, rexistrarase entre as 17 e as 18 horas.

Esta cuarta feira o prezo medio do 'pool' —prezo base que negocian as compañías produtoras e comercializadoras de enerxía— é de 226,57 euros/MWh.

Deste modo, cae 2,23% a respecto do prezo medio desta terza feira, segundo datos publicados polo Operador do Mercado Ibérico de Enerxía (OMIE).

2021 fechou como o ano máis caro da serie histórica, cun prezo medio de 111,93 euros/MWh debido á espiral alcista rexistrada no 'pool' no segundo semestre.

En comparación con hai xusto un ano, o prezo do 'pool' para esta cuarta feira será considerabelmente superior aos 93,57 euros/MWh do 6 de xullo de 2021.

Por outra parte, o prezo medio do mes de xuño foi de 211,8 euros/MWh, uns 24 euros superior ao prezo de abril, que foi de 191,52 euros/MWh, e case 100 euros por baixo de marzo, que deixou o rexistro máis elevado da historia (283,3 euros/MWh).

A INFORMACIÓN GALEGA ESTÁ NA TÚA MAN!

Subscríbete ao noso boletín de novas.

Date de alta de balde e recibirás unha selección dos nosos artigos para saberes o que acontece.

comentarios