Tres políticas económicas para a terceira década

O avance da China desarma a hexemonía neoliberal. O Estado non é o problema, é o actor indispensábel para orientar a economía e decidir a combinación de propiedade pública e privada, de planificación e libre mercado máis conveniente; a planificación dirixe investimentos a sectores estratéxicos; o financiamento público alimenta empresas en sectores non maduros. O resultado é un avance consistente. Primacía en potencia e instalación de enerxía eólica e solar. Ascenso nas cadeas de valor das TICD. Avantaxe no despregamento das redes 5G. Primeira moeda dixital emitida por un banco central, o e-CNY, que ameaza o dólar como moeda global.