A pensión media galega segue á cola das do Estado español, só superada polas de Estremadura. Así se desprende dos datos presentados polo Ministerio de Traballo, que sitúan a Galiza cunha pensión media a 1 de marzo de 856,96 euros, moi lonxe dos 1.008 euros do conxunto de territorios do Estado español.
As de xubilación, as máis numerosas, con 479.685 beneficiarias, situáronse nos 974,24 euros de media. As de incapacidade, que benefician 69.916 galegas, nos 891,93 euros de media, e as de viuvez, con 186.183 pensionistas, nos 610,7 euros. Todas elas por baixo do Salario Mínimo Interprofesional (SMI).
