ECONOMÍA

O saqueo social non distancia a Rajoy do colapso económico

O saqueo social non distancia a Rajoy do colapso económico


Mália os recortes sociais anunciados polo goberno de Rajoy, os datos sitúan ao Estado español ao borde do colapso económico cun rescate máis que seguro á volta da esquina. A prima de risco por riba dos 610 puntos e o rescate de Valencia engaden dificuldades á agónica política económica do PP.
Case 140 empresas concursadas na Galiza no primeiro trimestre
photo_camera Case 140 empresas concursadas na Galiza no primeiro trimestre

Os recortes nos dereitos sociais anunciados polo goberno de Rajoy para paliar a crise económica e sortear o previsíbel rescate non están a mudar o camiño cara o abismo no que se sitúa. A prima de risco situouse en 612 puntos, marca histórica de desastre, mentres o goberno da Comunidade de Valencia solicitou o rescate, incapaz xa de facer fronte á débeda que o afoga.

A desorientación do goberno de Rajoy e a desconfianza internacional puxéronse ao ar cos dados que sexta feira se manexaban en todos os medios de comunicación internacional. O Estado español púñase nos índices económicos no posto máis baixo da Europa e auguraba un rescate do que a Rajoy lle vai ser difícil fuxir.

A prima de risco situábase nun insólito 612 co interés ao 7,2% e un Ibex con perdas do 5,8% ademais da solicitude de rescate da Comunidade Valenciana deixaron sen palabras e sen solucións ao goberno do PP que só atinou a xustificar as medidas tomadas ate agora, sen demasiada forza, unha vez anunciaron que a recesión continuará ate 2014 e o desemprego situarase por riba do 20% ate o 2016.

comentarios