O naval de Ferrol cifrou a principios de 2013 en máis de 4.000 os empregos perdidos desde o inicio da crise, dos cales perto de 1.900 entre setemebro de 2011 e comezos do presente exercicio. Unha sangría. E fronte a este escenario, sinalan desde o comité de empresa de Navantia, só hai palabras e promesas,mais ningunha realidade.
As promesas traídas por Feijóo após a súa viaxe a México (floteis de Pemex,máis buques,...) son “unha tomadura de pelo”, indican desde o comité.
Que cumpran!
Por iso, por volta de 3.000 de operarios do naval volveron esta sexta saír á rúa, para denunciar o desleixo e incumprimentos de gobernos autonómico e estatal, e reivindicar carga de traballo, comezando polo dique flotante.
Estas demandas contan co apoio de todos os sindicatos, para alén de BNG, AGE e PSdeG.