martes 25.02.2020

O FMI pon tarefas a Rajoy: Suba do IVE, tesouradas á seguridade social e recortes a funcionarios

O Fondo Monetario Internacional (FMI) fai públicas as súas recomendacións ao goberno español e alaba, aínda que considera que non foron de abondo, os recortes de Madrid
Christine Lagarde, directora do FMI
Christine Lagarde, directora do FMI

Se non queres caldo, sete cuncas. Desde que saltou a noticia o pasado sábado do rescate para España, Rajoy e o seu goberno levan defendendo por activa e por pasiva que esa "liña de crédito" de ata 100 mil millóns de euros non ía supor contrapartida algunha para cidadanía. Pois ben, o Fondo Montetario Internacional (FMI) vén de facer público o informe elaborado polo seu equipo de técnicos que nestes días estivo no Estado español. Un documento no que se recollen diferentes 'consellos' para o executivo de Madrid, como subir o IVE, suprimir a dedución fiscal para videnda ou recortar (novamente) os salarios dos funcionarios.

Non son as únicas propostas do FMI a Rajoy, pois tamén recomenda que sería "desexábel" estudar unha redución nas cotizacións á seguridade social. O Fondo defende as medidas de austeridade adoptadas polo executivo español nestes meses mais recoñece que non lograron crear confianza nos mercados e considera que a situación da economía de España é preocupante.

Cal é a cifra?

As achegas do FMI chegan en pleno debate sobre cal é a cantidade precisa que hai que aportar para sanear a banca española. A comezos da vindeira semana coñecerase a avaliación feita por duas auditoras independentes, aínda que as primeiras filtracións apuntan a unha cantidade de ente 70 e 80 mil millóns de euros. O Fondo Monterio Internacional calculaba, hai menos dunha semana, que esa cifra sería de 40.000 millóns.

comentarios