Somos unha potencia en emisións de gases de cambio climático. O noso sector industrial é o terceiro do Estado español en emisións contaminantes. Nada mal para un territorio cuxo PIB apenas é 5% do conxunto do Estado e cuxo peso poboacional é menos de 6%. Iso si, as grandes empresas localizadas na Galiza emitiron durante 2016 máis de 14 millóns de toneladas anuais de CO2, o principal gas do efecto invernadoiro que causa o quecemento global.
Somos a terceira comunidade no Estado con máis emisións contaminantes de fontes fixas. Superamos, e de longo, territorios con moito maior peso industrial que nós, como é o caso de Catalunya ou de Euskadi, por poñer dous exemplos. Galiza supón 11% do total destas emisións que se producen en todo o Estado. Ademais, mentres no conxunto do territorio estatal esas expulsións contaminantes reducíronse nun 11%, no noso país apenas foi dun 9%.
[Podes ler a reportaxe íntegra no Sermos Galiza 273, á venda na loxa e nos quiosques habituais]
