Freiremar é a cuarta pesqueira do Estado español, con 21 centros distribuídos por diferentes territorios. Mais a difícil situación económica en que se atopa (pedira o preconcurso de acredores en setembro e acumula débedas por perto de 140 millóns de euros) deriva nun 'plan de axuste' onde as plantas galegas van ser das máis afectadas. Segundo La Voz de Galicia, a proposta da empresa pasa por despedir o 81% do cadro de persoal: Pasaría de 405 traballador@s a 67.
Freiremar ten 7 sociedades e 22 centros de traballo en todo o Estado. En Vigo ten 3 centros. No da planta de elaborados, a máis importante do grupo pesqueiro, botarían á rúa o 94% d@s empregad@s (ten actualmente case 90 operarios). Segundo o xornal con sede en Sabón, dos datos presentados pola dirección os sindicatos dedúcese que Freiremar quere facer desaparecer 2 das 7 sociedades.
