A primeira Enquisa de Poboación Activa (EPA) do ano non deixa bos resultados para Galiza. Malos datos no que respecta ao paro e preocupantes en ocupación e actividade. Peores que a media estatal.
No primeiro trimestre de 2018 o desemprego aumentou en Galiza en 4.400 persoas, o que supón 2,4%. No mesmo período tamén aumentou o paro no Estado español mais en 0,78%, tres veces menos que no noso país. Os dados, iso si, cambian se a comparativa é interanual, é dicir comparando a EPA do primeiro trimestre de 2018 coa do primeiro trimestre de 2017. Aí, o paro baixou en galiza en 14% e a a media española foi dun descenso de case 11%.
En número de activos, a caída anual en Galiza é de 1,13%, sensibelmente superior á media do Estado español, que foi de 0,10%. En ocupados o aumento anual foi de 1,59%, tamén por baixo da mesia española, que estivo nun incremento de 2,36%.
