Descenso do paro? En Galiza a filiación á Seguridade Social caeu en 28.562 persoas nestes 12 meses

De agosto de 2012 ao de 2013 o desemprego aumentou en 257 persoas. Mais a queda na SS é moito maior, amosando un problema de calado, como o da emigración

Desemprego, paro

 A afiliación media á seguridade social baixou na Galiza en 28.562 persoas entre agosto de 2012 e ese mesmo mes de 2013, cifra que supón un descenso do 2,98 %. Un dato que contrapor ao optimismo xeralizado que o goberno de Feijóo vende tras os últimos datos do paro e que sinalan que este descendeu no noso país respecto a xullo en 3.578 persoas.

Mais esa queda, como denuncian sindicatos como CIG ou CCOO é estacional e chaman a fuxir de triunfalismos: “Temos 257.524 parad@s”. Aliás, alertan de que a redución do desemprego non significa que se cree emprego, tal e como reflicte a «desproporción» entre a baixada da afiliación (redúcese en máis de 28.500 persoas) e o estancamento do desemprego no último ano.

Por outro lado, que o 94,3 % dos contratos asinados durante o mes de agosto sexan temporais reflicte a escasa calidade do emprego creado e a súa fraxilidade para que se manteña e consolide no tempo.

 

Comentarios