A Coruña e Ferrol acolleron senllas concentracións, convocadas conxuntamente por CCOO e UGT, para reclamar das administracións públicas un compromiso firme que faga viábel un futuro para a minaría galega. A defensa do plan do carbón e a reactivación das comarcas mineiras da Galiza foron as reivindicacións d@s concentrad@s.
“Os recortes son bestiais porque os cartos reducíronse nun 63%”, Sinalou Francisco Gayoso, responsábel de Industria Extractiva de CCOO na Galiza.
Cómpre lembrar que en torno ao 14 por cento da produción mineira do Estado español proceden da Galiza. O sector xeraba, na altura do 2009, en torno a 9.000 empregos no noso país.
As concentracións en Coruña e Ferrol enmárcanse nas mobilizacións a nivel estatal convocadas por Comisións Obreiras e a UGT. O vindeiro 31 de maio terá lugar en Madrid unha concentración en defensa da minaría.
