En cuestión de pavimentos de alta planimetría, Galiza está nunha posición de liderato, unha situación derivada de posuír unha empresa líder neste campo, a porriñesa Prosistemas, firma avalada polos dous Golden Trowel Awards recibidos, en 2014 e 2016, outorgados aos mellores pavimentos en alta planimetría. A empresa abriu as súas portas para ensinar un novo sistema de aplicación en pavementos, unha nova liña de negocio desenvolta en colaboración coa Universidade de Vigo, un exemplo de como a transferencia de coñecemento dos centros de investigación permite avanzar ao tecido empresarial.
O conselleiro de Industria, Francisco Conde, incidiu en que a aposta pola innovación é a clave para que as empresas galegas sexan competitivas a nivel global e puxo como exemplo Prosistemas. O director xeral desta empresa, Eusebio Rey, explicou que a "Alta Planimetría consiste en facer un chan liso como un cristal -planicidade- e que á vez sexa tan horizontal (nivelación) que en calquera punto do pavimento se puidesen levantar columnas interminábeis perpendiculares ao chan e que sempre estivesen paralelas". Un traballo que require coñecementos, profersionalidade, experiencia e exixe unha forte aposta en I+D+i.
Nunha recente entrevista en Sermos Galiza, Rey Cachafeiro indicaba que os recñecementos obtidos eran "un plus de motivación e ilusión para seguir perfeccionándonos. Isto tamén demostra que as empresas galegas por si soas poden contribuír a xerar riqueza en Galicia, e erguer a auto estima do país, sendo líderes mundiais. Somos unha mostra de ata onde podemos chegar, ao mesmo nivel das empresas estadounidenses".
