O dinamarqués Jonas Vingegaard deu unha exhibición monumental gañando a clasificación xeral do Gran Camiño e levando as tres etapas completadas, xa que a primeira non se desputou até o final por unha forte nevada a 20 quilómetros da meta.
O gran favorito ratificou os prognósticos na estrada e, ademais, laminou os seus rivais na montaña e no crono.
Na contrarreloxo de hoxe, entre Novo Milladoiro e a Praza do Obradoiro de Santiago de Compostela sobre 17,9 quilómetros, superou o especialista Rohan Dennis cruzando a meta final e gozando dun triunfo rotundo que o sitúa entre os máis grandes no ranking mundial deste deporte.
“Foi unha proba moi dura”, declarou, “na que a climatoloxía foi bastante protagonista. Estou moi satisfeito coa miña actuación e cos triunfos que conseguín. Foi unha carreira preciosa, aínda que o tempo non acompañou.
O conquense Jesús Herrada rematou na segunda posición na xeral, completando unha gran contrarreloxo que rematou no Obradoiro que lle arrebatou o segundo posto ao portugués Rubén Guerreiro, que se mostrou forte na montaña pero que cedeu na contra.
Clasificación 4ª etapa
1. Jonas Vingegaard 23.47
2. Rohan Dennis a 0.35
3. William Barta a 0.59
4. Bart Lemmen a 1.05
5. Jesús Herrada a 1.06
6. Carlos Canal a 1.22
7. Max Walker a 1.23
8. Attila Valter a 1.24
9.. Xabier Azparren a 1.28
10. David de la Cruz a 1.30
Clasificación final 'O gran camiño'
1. Jonas Vingegaard (DEN/Jumbo-Visma) 8.16.55
2. Jesús Herrada (ESP/Cofidis) a 2.31
3. Rubén Guerreiro (POR/Movistar) a 2.48
4. Attila Valter (HUN/Jumbo-Visma) a 2.53
5. William Barta (USA/Movistar) a 3.01
6. Lukas Nerurkar (GBR/Trinity Racing) a 3.30
7. Simon Geschke (GER/Cofidis) a 3.39
8. David de la Cruz (ESP/Astana-Qazaqstan) a 3.40
9. Joaquim Silva (POR/Efapel) a 3.44
10. Rubén Fernández (ESP/Cofidis) a 3.53
