Desde Suíza a Mera para aprender como vogar a xeito

Adestradores e remeiros do club de remo da universidade de Lausanne están a coñecer da man do Centro deportivo Mariñeiro os segredos do remo.

mera suíza remo

No 2015 a traiñeira de Mera volvía competir na Liga Galega e amosaba que o remo en banco fixo collía pulo nesta vila que fai parte do concello de Oleiros. Agora, en abril de 2017, adestradores e remeiros do club de remo da universidade suíza de Lausanne desprazáronse até Mera para coñecer a metodoloxía  que emprega o centro deportivo coa , tanto no aspecto técnico como no físico.

Segundo informa o propio club meracho, realizáronse 4 sesións de adestramentos no mar nas que os remeiros suízos foron poñendo en práctica os conceptos técnicos principais da remada implantada no club de remo de Mera. Tamén se levaron a cabo encontros formativos en terra nos que os adestradores de Mera explicaron determinados  aspectos da planificación deportiva que realizan.

O Centro Deportivo Mariñeiro de Mera recoñece “unha grande satisfacción” poe esta visita, que considera que supón un importante recoñecemento ao traballo realizado nestes anos por este club de remo galego. 

Comentarios