martes 11/08/20

Sonora apupada do himno español na final entre Barça e Athletic

As afeccións vasca e catalá desafiaron a ameaza de sancións e asubiaron con forza no Camp Nou, igual que fixeran nas finais de 2009 e 2012. [Vídeo no interior]


Houbo apupada e sonora. As afeccións do Barcelona e do Athletic de Bilbao, que fican xuntas no estadio, asubiaron con forza o himno español, antes do comezo da final da Copa do Rei de fútbol no Camp Nou. Desafiaron as ameazas de sancións da Comisión Antiviolencia e as peticións de suspender o encontro.

Repetiron a apupada das finais de 2009, en Mestalla, e 2012, no Calderón. Milleiros de bandeiras de Catalunya e Euskal Herria enchen de cor a bancada do Camp Nou. O Goberno español condenou os feitos e convocou unha reunión este luns para valorar posibles sancións.

comentarios