O Río Breogán de Lugo comeza forte esta tempada na ACB

O equipo galego de Lugo leva dúas vitorias ao inicio desta tempada e é o líder en capturas de balón.
Luca Brajkovic no partido da xornada anterior (Foto: Río Breogán).
photo_camera Luca Brajkovic no partido da xornada anterior. (Foto: Río Breogán)

O Río Breogán comezou esta tempada con dúas vitorias, unha na cancha do UCAM Murcia (70-84) e outra na visita do Carplus Fuenlabrada (78-70). Este bo inicio só se repetiu en Lugo noutras tres ocasións: nas campañas 1990-1991, 2001-2002 e 2021-2022.

No caso da tempada pasada, após ese inicio tivo catro derrotas en cinco partidos e se ollamos aínda máis atrás, na 1990-1991, foron cinco as derrotas consecutivas posteriores. Haberá que agardar aos seguintes rivais,  Joventut de Badalona, como visitante, e Gran Canaria xunto con Surne Bilbo Basket, como locais, para rachar coas experiencias anteriores. 

As estatísticas até agora sitúan ao equipo de Lugo como  líder en capturas (41,5) e capturas ofensivas (15), ademais de ser cuarto en capturas defensivas (26,5).

Na súa zona tamén colleita bos resultados. Dos seus 70 erros en tiros até agora, 30 veces (42,8%) quedaron co rebote en ataque para una segunda oportunidade, chegando case a ter  nos casos do UCAM Murcia (19 a 14) como diante do Carplus Fuenlabrada (21 a 16) tantas capturas ofensivas como defensivas do seu rival. 

Segundo equipo que menos puntos encaixa

O equipo de Mrsic é o segundo que menos puntos encaixou até o momento (140), só por detrás dos 137 do Lenovo Tenerife. Os seus dous rivais até a data conseguiron realizarlle a mesma cantidade de puntos: 70. Curiosamente, o equipo galego é, tamén, o conxunto que máis canastras de dous puntos sumou neste inicio de competición, 22 por encontro.

Esquecido o soño europeo no seu momento ao caer en Belgrado (Serbia) na previa da Liga de Campións diante diante do FMP Meridian, sentoulle ben ao do Breogán centrase na competición estatal.

comentarios